Tá Campa Saoire Chois Fharraige os cionn deich mbliana ar an saol anois m ar is i 1991 a reáchtáladh ana chéad champa go dtí 1992, an bhliain chéanna a ndeachaigh Scléip Teo, ina bhun.  Ó shin i leith bhí dhá chúrsa nó trí ar siúl gach samhradh.  Cúrsaí gníomhaíochta trí mheán na Gaeilge a bhíonn ar bun sa gcampa agus 'siad na príomh imeachtaí drámaíocht, ríomhaireacht, ceardaíocht, aclaíocht, damhsa, amhránaíocht agus cluichí.  Bíonn na scoláirí páirteach sna himeachtaí uilig, rud a chinntíonn nach mbíonn siad ag plé le haon ábhar amháin.

Is í Scoil Sailearna ionad an champa saoire agus go deimhin murach chomh breá agus chomh fairsing is atá an scoil sin bheadh sé dodhéanta a leithéid a chur ar siúl.  Bhí bliain amháin ar aistrigh an campa saoire go dtí na Forbacha mar gheall ar obair mór thógála a bheith ar siúl i Sailearna.  B'in é samhradh te na bliain 1995 agus cé gur éirigh go maith leis an gcampa bhí líon na scoláirí beag agus b'éigean córas taistil a chur ar fáil.  An bhliain sin tháinig scoláirí as Cathair na Gaillimhe den chéad uair agus ó shin tá an-éileamh ar áiteanna sa gcampa saoire uathu.  Tagann a bhformhór as na Gaelscoileanna agus go háirithe as ceantar Cnoc na Cathrach.