Glacfaidh na gasúir páirt i seisiúin damhsa, drámaíochta agus canadh.  Is iad Lara Ní Chathmhaoil agus Paula Mc Gurrell, beirt mhúinteoir de chuid an School of Performing Arts istigh i nGaillimh, a bheidh i mbun an chúrsa.

Is campa samhraidh drámaíochta agus ealaíne é Beocht a chuireann béim ar neartú scilleanna aisteoireachta, stáitsíochta, cruthaitheachta, samhlaíochta agus cur i láthair sna gasúir.  I measc na ngníomhaíochtaí a bheidh ar siúl ag na gasúir beidh cluichí drámaíochta, scéalaíocht, ceol agus péintéireacht. Is iad Beartla Ó Flatharta agus Sinéad Ní Ghuidhir a bheidh i mbun an chúrsa.