Ba mhór an onóir a bhí ann d'fhoireann an Chomharchumainn gur léirigh Cumann Drámaíochta Chois Fharraige Ar Shlí na Firinne, a scríobh an Athair Seán Mac Éill, ag oscailt oifigiúil na hamharclainne. Is grúpa áitiúil iad Cumann Drámaíochta Chois Fharraige atá spreagúil agus dúthrachtach I leith na drámaíochta. Grúpa eile ó cheantar Chois Fharraige a bhfuil lán mála d'fhuinneamh, tallann agus samhlaíocht acu ná Lóchrann, rud a bhí soiléir ón léiriú a rinne siad ar dhráma Joe Steve Ó Neachtain Níor Mhaith Linn Do Thrioblóid. Tá dráma nua do dhéagóirí ag Fíbín darbh ainm Stair na hÉireann - Cineál. Bunaíodh Fíbín an bhliain seo caite agus léirigh siad an dráma An Ghabha agus an Ghasúr a bhí fíor-thaitneamhach do ghasúir agus do dhaoine fásta araon. Tá borradh ag teacht ar sheirbhísí drámaíocht san oideachas sa cheantar, gan trácht ar an obair iontach atá a dhéanamh ag múinteoirí sna scoileanna chun gasúir a ullmhú d'Fhéilte Scoldrámaíochta.

Tá sé d'aidhm ag Amharclann Chois Fharraige tacú leis an ngníomhaíocht seo ar fad agus forbairt a spreagadh, ní hamháin I réimse ma drámaíochta ach I réimsí an cheoil, damhsa agus na n-ealaín cruthaitheacha go ginearálta.